Aktibitate hauek POCTEFA – Mind the Gap proiektu barnean daude.

AURKEZPEN KAFEA. AZTURA KULTURALAK ETA HEZKUNTZA-INGURUNEA

Hiriko irakasleekin harremanetan jarri nahi gara berriz ere, umeen, gazteen eta zuzeneko arteen arteko topaketak elkarrekin antola ditzagun.
Etapa berri honi hasiera emateko, hiru komunitate-kafe izango ditugu: irakasleek Beñat Etxepare Antzokiaren programazioa eta POCTEFA-Mind The gap proiektuaren jarduera artistikoak eta bitartekaritza-jarduerak ezagutu ahal izango dituzte, baita Beñat Etxepare Antzokiak errealitate berri honetarako ezarritako neurriak ere.
Irailean hiru kafe presentzial egitea aurreikusten dugu Beñat Etxepare Antzokian, posible ez balitz webinar bidez egingo lirateke: osteguna, hilak 3, 10:00etan; asteazkena, hilak 9a, 13:00etan, eta ostirala, hilak 11, 13:00etan..

LANTEGI DIDAKTIKOAK. ESPERIENTZIA ARTISTIKOA, IKASKUNTZAREN ETA GIZARTERATZEAREN ERAGILE

Irakasleekin egindako lantegi praktiko honen bidez, pedagogia artistikoko eta ikaskuntza kolektiboko esperientzia bat piztu nahi da esperientzia eszeniko batean parte hartuz. Bai begiespen- bai esperimentazio-prozesuak sustatuko dira
Hainbat heziketa-mailatara zuzendutako 3 tailer egingo dira:
Derrigorrezko Bigarren Hezkuntza: tailer bat La Casa del Libro-n, ikuskizunaren fitxan adierazitako datan.
Lehen Hezkuntza: 2 tailer praktiko Beñat Etxepare Antzokian, ikuskizunaren fitxan adierazitako datan.
Tailer hauetan parte hartzeko, aldez aurretik izena eman behar da erreserba egiteko unean, tokiak mugatuta daude eta.
Tailer bakoitzean, ikasleekin ekintzak egiteko beharrezkoak diren tresna artistiko guztiak emango dira, baita ikuskizun bakoitzeko gida didaktikoa ere. Azken horiek ondoren Paraíso Antzerkiren webgunean egongo dira eskuragai

LANTEGIAK IRAKASLEEN KLAUSTROEKIN

Jakin-min artistikoa eta emozioen adierazpena
Hezkuntza artistikoak hezkuntza-diseinuko uneak behar ditu, irakasleen esperientzia pertsonaletik abiatuta, esperientzia artistiko berriak eraikitzen edo marrazten dituztenak.
• Lehen Hezkuntza:
TEKLAK talde laguntzaileak 3 tailerretako zikloa, 2019-2020 ikasturtean “Artea eta Kultura tresna hezigarritzat” prestakuntza-zikloan parte hartu zuten ikastetxeetako irakasle-klaustroekin egingo ditu.
Osasun emozionalari, eskolarako itzulerari eta esperientzia artistikoari ekingo diegu hausnarketaren, proiektu baten ezarpenaren eta ebaluazioaren ikuspuntuetatik.
Aldi berean, Baratzako artistek 5 ikastetxeko heziketa-maila zehatz bateko ikasgeletan bitartekaritza-proiektua garatuko dute. Etorkizuna irudikatzean izango du oinarria 5 saiotan.
Erreserba egiteko epea zabalik dago plazak bete arte.
Harremanetan jartzeko: TEKLAK:
Irene Intxausti Basilio. iintxausti@teklak.org.
Telefono zk. 623 177 261.
• Haur Hezkuntza:
“Bihotz Bihotzez” ikuskizunean oinarritutako tailerra, honako gai hauekin lotutako kontuak landuko dituena: kultura-alfabetatzea, ikusleen sortzeko begirada, eta esperimentazio artistikoa.
Harremanetan jartzeko: ESTITXU BEISTEGUI
Telefono zk: 945 274 284
Bertaratzen direnek beren gelarako sortzeko materialen pack bat jasoko dute. Horri esker, haurrekin esperientzia eraldatzaileak bultzatu ahalko dituzte jakin-min artistikoaren eta izandako emozioen adierazpenaren inguruan.

HAUR HEZKUNTZAKO IRAKASLEENTZAKO ARTE ETA HEZKUNTZA-IKASTAROAK

Oraingo eta etorkizuneko Haur Hezkuntzako irakasleek hezkuntza artistikoan duten trebakuntzan jarri nahi da arreta.
Udazkenean, “Arte eta hezkuntza” ikastaroa eskainiko zaie Dramatizazio Minorraren ikasleei, UPV/EHU Unibertsitatearen Hezkuntza eta Kirol Fakultatean irakasten den Haur Hezkuntzako Graduaren esparruan.
Datak: 2020ko urriak Unibertsitatean eta KunArten.

GIDA DIDAKTIKOAK – IKUSLEAREN FORMAKUNTZA

Jarraitzen dugu antzokira doan irakaslegoari hurbilketa pedagogiko bat errazten. Horretarako aukeratutako antzerkiaren inguruko gogoetak eta informazioak dituzten gida didaktikoak eratzen ditugu, irakasleak funtzio aurretik eta ostean gelan ekintza ezberdinak proposatu ahal ditzan.

  • “NOVELAS EJEMPLARES la española inglesa y las dos doncellas”
  • “Úniko”
  • “Etxerik txikiena”
  • “Bihotz bihotzez”