Badakizue zergatik ez dugun itxi Beñat Etxepare Antzokiaren proiektua pandemian? Zergatik, izurritea egon arren, ikusleen komunitatea 16.000 erabiltzaile inguru izatera iritsi den? Erantzuna argia da, Arteak gizaki gisa osatzen gaituelako.
Peter Brooken, hil berri den XX. mendeko eszena garaikideko maisu handienetako baten, hitz jakintsuetan oinarrituta eraikitzen dugu denboraldi berri hau: “Kultura beharrezkoa eta ordezkaezina da gure osasun emozional eta mentalerako”. Pertsona sentibera, kritiko eta sortzaile gisa hazteko aukera ematen baitigu.
Artetik abiatuta giza natura aktibatzeko artista gisa hartu duen konpromisoak bultzatzen gaitu, gure haurrei proposatzen jarraitzera ikusle gisa aurrez aurre jar daitezela gure giza dimentsioaren adierazgarri diren Zuzeneko Arteen aurrean.
Interpreteen eta ikusleen arteko elkarrizketaren aldeko apustuak gugan konpromisoa sortzen du, gure komunitatearekiko interakzioa sendotzeko, Komunikazio, Arte eta Gizarte ildo baten bitartez
Kulturartekotasunarekin duen konpromisoan inspiratuta, ekintza berriak bultzatuko ditugu, Kultur Inklusioari, Bitartekaritzari eta Ikusleak Sortzeari lotuak.
Denboraldi honetan maisuak oraindik gogorarazten digun moduan, “Antzerkiak ez du ezer zehatzik jorratzen. Bizitzaz dihardu. Bizitza da”, eta Arte oro bezala, ikusezina ikusgai bihurtzen saiatzen da.
Giza eta kulturarteko apustu berezi honekin bat egitera gonbidatzen zaituztegu!
